Məğrurluq və təkəbbür

Məğrurluq və təkəbbür

04 Mart 2024 - 06:27

152

Yaradılışa təsir edən ilk əxlaqi çirkinlik mərurluq idi və bu mənada başqa əxlaqi çirkinliklərin mənbəyidir.

Özünə və başqalarına qarşı qəriblik və cəhalətə səbəb olan, fərdi və ictimai məqamı unutduran, cəhalət içində qərq olmağa səbəb olan əxlaqi pisliklərdən biri də məğrurluqdur. Təkəbbür insanı Allahdan uzaqlaşdıraraq şeytana yaxınlaşdırır, onun gözündə həqiqətləri dəyişdirir və bu da ciddi maddi və mənəvi ziyana səbəb olur. Məğrur insanlar cəmiyyətdə həmişə nifrətlə qarşılanır və qeyri-məhdud gözləntilərinə görə sosial təcrid olunurlar.

Məğrurluq, özünü üstün görmək, təkəbbürlük, ücb, özünü bəyənmək, təvazökarlığı tərk etmək, başqalarına qarşı nifrət və paxıllıq etmək və onları alçaltmaq kimi başqa pisliklərin mənbəyidir. Şeytanı Allahın qapısından uzaqlaşdıran əsas amillərdən biri onun “məğrurluğu” idi. Həmçinin insanların peyğəmbərlərin dəvətinə tabe olmamalarının səbəblərindən biri də onlarda həmin məzəmmətli xüsusiyyətin olması idi.

Yaradılışa təsir edən ilk əxlaqi çirkinlik İblisin məğrurluğudur. Onun Həzrət Adəmə səcdə etməməsinin səbəbini öz növünün, yəni odun palçıqdan üstün olması olduğunu bildirmişdir: “O dedi: “Mən ondan üstünəm. Məni oddan, onu isə palçıqdan yaratmısan” (Əraf, 12). Buna görə də demək olar ki, İblis dünyanın hegemon şəxslərinin rəhbəri olduğu kimi, dünyadakı təkəbbürlülərin də rəhbəridir. Bu ikisi, yəni “məğrurluq” və “təkəbbürlü olmaq” bir-birini tələb edir.

Allah Quranda təkəbbürlülərin aqibətini belə bildirmişdir ki, insanlar bu əxlaqi günahdan bacardıqca çəkinsinlər. Nuhun qövmü də bu təkəbbürlü qövmlərdən idi: “(Münafiqlər divarın içəri tərəfində olan möminləri) səsləyib deyəcəklər: “Məgər biz (dünyada) sizinlə birlikdə deyildikmi?!” (Möminlər) belə cavab verəcəklər: “Bəli (bizimlə birlikdə idiniz). Lakin siz özünüzü (nifaqla, ikiüzlülüklə) fitnəyə saldınız (fitnəyə salıb məhvə düçar etdiniz), siz (möminlərin başına bir fəlakət gəlməsini) gözləyirdiniz və (Allahın birliyinə, Muhəmməd əleyhissəlamın peyğəmbərliyinin həqiqiliyinə) şəkk edirdiniz. Allahın əmri (ölümünüz) gəlib çatanadək sizi xam xəyallar (tamah) aldatdı. Sizi Allah barəsində (Allah rəhmlidir, bütün günahlarınızdan keçər, sizə heç bir cəza verməz deyə) o tovlayan (Şeytan) tovladı! (Hədid, 14). “(Nuh) tayfasının kafir əyan-əşrafı dedilər: “Biz səni ancaq özümüz kimi (adi) bir insan sayır, elə ilk baxışda yalnız içimizdəki səfillərin (cütçü, pinəçi, dəmirçi, dərzi və s.) sənə uyduğunu görürük. Və sizin bizdən (heç bir şeydə) üstün olduğunuzu da görmürük. Əksinə, biz sizi yalançı hesab edirik!” (Hud, 27).

İnsan məğrurluq hissi ilə aldanan zaman yadda saxlamalıdır ki, özünə aid etdiyi və öz ləyaqətini və məqamını başqalarından yüksək hesab etdiyi hər hansı bir sifət Allah-taalada qeyri-məhdud surətdə var, Deməli, məğrur və təkəbbürlü olmağın yeri yoxdur.

mənbə: iqna

Xəbər lenti

“Aİ-yə namizəd [ölkə] Kremlin marioneti kimi idarə oluna bilməz”
2024-05-07 19:49

Güclü yağışlar Gürcüstanda ciddi problemlər yaradıb
2024-05-07 19:43

Gürcüstanın Aİ-yə namizədlik statusunun dayandırılması üçün Borellə müraciət edilib
2024-05-07 19:36

Anonymous Kobaxidzeyə: “ Etirazçılara hücum etməyə davam etsəniz, hökumət saytlarına hücum etməklə cavab verəcəyik“
2024-05-07 15:00

Vəliəhd Salmana sui-qəsd: ölənlər var
2024-05-07 12:48

Bu gün Tbilisidə növbəti etiraz aksiyası baş tutacaq
2024-05-07 12:41

Avtomobillə çaya düşən üç yeniyetmədən daha birinin meyiti tapıldı
2024-05-07 12:37

Qudauri (post)-Kobi hissəsində nəqliyyatın hərəkəti qadağan edilib
2024-05-07 12:35

İslam fiziki gözəlliyə, ədəb-ərkana dəyər verir
2024-05-07 12:07

Mülki əhali İsrail ordusunun nəzarətə götürdüyü Rəfahı tərk edir - VİDEO
2024-05-07 12:04