Poniçaldan qaçırılan 7 yaşlı uşağın qatilinin ifadəsi

Poniçaldan qaçırılan 7 yaşlı uşağın qatilinin ifadəsi

20 Noyabr 2023 - 16:36

328

17 iyul 2009-cu ildə Kvemo Poniçala dəhşətli bir hekayənin şahidi olub.

Cemal Samadaşvili 7 yaşlı bir uşağın qaçırılması və vəhşicəsinə öldürülməsinə görə saxlanılıb.

Məlum olub ki, polis əməkdaşı uşağı yaşadığı binanın həyətindən qaçıraraq gizlətmək üçün Qardabani rayonunun Muxranteleti kəndi ərazisinə aparıb.

Qaçıran şəxs bir saat sonra uşağın atası ilə telefonla əlaqə saxlayaraq 10.000 dollar pul tələb edib və bildirib ki, hüquq-mühafizə orqanlarına məlumat versə, oğlunu bir daha sağ görməyəcək.

Təhdidlərə baxmayaraq, ailə üzvləri onun tələbini yerinə yetirməyiblər, bundan sonra qaçıran şəxs uşağa ağır işgəncələr verərək öldürüb və 17 yaşlı oğlu Kaxaya meyiti atmağı tapşırıb.

Cemal Samadaşvili elə həmin gecə saxlanılıb. Məhkəmə polisi adam qaçırmaq və vəhşicəsinə qətl törətməkdə, azyaşlı Kaxa Samadaşvilini isə girov götürmək və xüsusilə külli miqdarda narkotik maddə alıb saxlamaqda ittiham edərək 12 il müddətinə azadlıqdan məhrum edib. Bundan qəzəblənən qonşular və qohumlar Samadaşvilinin daha sərt şəkildə cəzalandırılmasını tələb ediblər.

Oğlanın valideynlərinə yeganə övladının niyə öldürüldüyü hələ də aydın deyil. Rəsmi versiyaya görə, uşaq pul qoparmaq məqsədilə qaçırılıb, amma əslində qətlin motivi dəqiq bilinmir.

43 yaşlı Cemal Samadaşvilinin ailəsi və qurbanının ailəsi yan-yana yaşayırmış. O zaman Samadaşvili Elmlər Akademiyasının mühafizəçisi olub. Qətlin motivi kimi qisas istisna edilib, uşağın pul qoparmaq üçün qaçırılması da ağlasığmaz versiya idi, çünki oğlanın valideynləri sıx büdcə ilə yaşayıblar. İstintaq daha iki versiya üzərində də işləyib, xüsusən də Samadaşvili manyak olub və ya uşağın öldürülməsi ritual motiv olub.

mənbə: interpress

Xəbər lenti

Gürcüstanda gözlənilən iqtisadi artım açıqlandı
2023-11-28 09:27

Çinin yeni kəşfi: Ət və tərəvəz tullantıları ilə uçan təyyarələr
2023-11-28 09:23

Bu ölkədə həbsxanaya hücum: 2 min məhbus qaçdı
2023-11-28 09:20

Senakidə avtomobil piyadanı vurub
2023-11-27 23:14

Potidə, Anakliyada və ümumilikdə sahil zolağında ciddi fırtına baş verib
2023-11-27 23:10

Qadına qarşı zorakılıq və narkotik vasitəsinin qanunsuz alınıb-saxlanması ittihamı ilə saxlanılan şəxs girov cəzasına məhkum edilib
2023-11-27 23:06

Qəzzada atəşkəs iki gün uzadıldı
2023-11-27 20:50

Nika Melia partiyanı təmsil etmir, məsələ bağlanıb - VMH
2023-11-27 20:33

Azərbaycan, Türkiyə, Gürcüstan birgə təlim keçirəcək
2023-11-27 20:20

Bakıda Azərbaycan, Türkiyə və Gürcüstan müdafiə nazirlərinin görüşü keçirilib
2023-11-27 20:08