"Paşinyan istefa verməlidir, amma Manukyan gəlsə, köhnə hamam, köhnə tas olacaq..."

"Paşinyan istefa verməlidir, amma Manukyan gəlsə, köhnə hamam, köhnə tas olacaq..."

06 Dekabr 2020 - 15:35

134490

Xeber.ge saytı xəbər verir ki, 74 yaşlı siyasət üçün Vazgen Manukyan əla formadadır. Müxalifətin mitinqində o, rəhbərlik etməyə çalışdığı müvəqqəti hökumətin fikir verməli olduğu proqram haqda mühüm tezisləri qeyd etdi.

Ekspert Ermənistan müxalifətinin təklif etdiyi proqramdan əsas məqamları qeyd edib: "Biz üçtərəfli bəyanatla heç vaxt barışmayacağıq, lakin onun yerinə yetirilməsindən imtina edə bilmərik"; "Tərtib olunmuş bəyanatı dəqiqləşdirmək və hər bəndin ermənipərəst yozumu üçün mübarizə aparmaq lazımdır"; "Ermənistan beynəlxalq antitürk koalisiyasına daxil olmağa çalışmalıdır".

"Təəssüf ki, müxalifətin mitinqi ilə bağlı müsbət təəssüratlar bununla bitir. Qalan hər şey tam məyusluq doğurur. Vazgen Manukyan Rusiya ilə müttəfiqlik əlaqələrinin möhkəmləndiyini, antitürk koalisiyasına daxil olmağa çalışdığını bəyan edir, halbuki bu, əslində bir-birini inkar edən hərəkətlərdir. Təəssüf ki, bu, müxalif namizəd üçün aydın deyil. Yenə təəssüf ki, Vazgen Manukyan hökumətə namizədlərin adlarını çəkməyib və Ermənistanın çoxsaylı problemlərinin necə həll ediləcəyinə dair fikirlərini açıqlamayıb. Nikol Paşinyanın, mahiyyətinə görə boş olan "yol xəritəsi" müxalifətin deklarativ bəyanatlarından daha məzmunlu sənəd kimi görünür", - deyə ekspert bildirib.

Onun sözlərinə görə, mitinqdə qalan hər şey daha pis idi.

"Paşinyana fiziki divan tutulması, korrupsiya ilə bağlı əsassız iddialar, həyət şpanası səviyyəsində təhqirlər, əgər spikerlərə inansaq, 2018-ci ilə qədər etalon razılıq və anlaşma şəraitində yaşamış cəmiyyətin parçalanması ittihamları... Bununla yanaşı, konkretlilik sıfır səviyyəsindədir. Olan yalnız dünya birliyinin hörmətini qazanacaq və Rusiya ilə daha sıx dostluq edəcək güclü Ermənistanın qurulması barədə adi danışıqlardır. Nəticə məyusedicidir: Paşinyan istefa verməlidir, amma əvəzinə Manukyan gəlsə, Ermənistanda... köhnə hamam, köhnə tas olacaq. Güman edirəm ki, intellektual elitanın nümayəndələrinin iştirakı ilə hüquqi sahədə geniş siyasi və ictimai müzakirələrə ehtiyac var. Kütlənin dəyişən əhval-ruhiyyəsinə güvənmək yetər”, - deyə o vurğulayıb.

mənbə: Moderator.az

Xəbər lenti

Aİ Gürcüstana 30 mln. avroluq yardım ayıracaq
2024-05-08 22:05

“Gürcü Arzusu” “təhdid və şantajla məşğul olan şəxslər”in bazasını yaradacaq
2024-05-08 20:33

Yuxarı Lars bağlandı: 600 yük maşını gözləyir
2024-05-08 19:41

Daxili İşlər Nazirliyində beynəlxalq polis tədbirləri ilə bağlı brifinq keçirilib
2024-05-08 19:35

9 may üçün xarici valyutanın rəsmi məzənnəsi
2024-05-08 19:25

İstanbul hava limanında təkəri açılmayan təyyarə gövdə üzərinə eniş edib - VİDEO
2024-05-08 16:51

Tbilisi meriyası Rustaveli prospektinin 1 aylıq bağlanması ilə bağlı məlumatı təsdiq etmir
2024-05-08 16:46

Prokurorluq iki nəfərə qarşı fiziki zorakılıq törədən şəxsə ittiham irəli sürüb
2024-05-08 16:40

“Avtoritarizm belə görünür - “Gürcü arzusu”na ayıb olsun”
2024-05-08 16:36

“Bəziləri özlərini Yupiter, Gürcüstan isə öküz hesab edirlər”
2024-05-08 15:14