"Bu Araiklə az öpüşün, həm xəstələnərsiniz, həm də camaat bu şəkillərə birtəhər baxır ey..."

"Bu Araiklə az öpüşün, həm xəstələnərsiniz, həm də camaat bu şəkillərə birtəhər baxır ey..."

26 Dekabr 2020 - 12:22

134479

Xeber.ge saytı xəbər verir ki, Cənab General, böyük bir missiya həyata keçirirsiniz, sağ olun. Amma mənim dıqqılı bir sualım var: Qarabağda ermənilərin dağılmış evlərini bərpa edirsiniz, çox gözəl. Onlar üçün yeni qəsəbələr tikirsiniz, bu da lap əliyul əla. Xocalıda da yeni qəsəbə salır və evləri təmir edirsiniz.

İmzalanan məlum bəyanata görə, qaçqın və köçkünlər tezliklə öz yurdlarına qayıtmalıdırlar.

Artıq Ermənistana qaçmış 40 minə qədər ermənini Qarabağa qaytarmısınız. Lap əlinizin içindən gəlib.

Özü də həmin ermənilərin yaşadığı heç bir şəhər və kəndlər Azərbaycan ordusu tərəfindən bombardman edilməyib, raket atəşinə, top atəşinə tutulmayıb. Yalnız şəhərlərin içində gizlədilmiş hərbi obyektlər vurulub ki, o da çox dəqiqliklə. Uzaqbaşı yanındakı evlərin pəncərə şüşələri qırılıb.

Mümkünsə paylaşın görək Ağdərədə, Əsgəranda, Xocavənddə, Hadrutda və eləcə də Xankəndində neçə yaşayış binası dağıdılıb?

Məsələn, yəqin videolarda görmüsünüz, Hadrut qəsəbəsində heç bircə ev də ziyan çəkməyib. Eləcə də Xocavənddə, hansı ki siz ora Martuni deyirsiniz. Və yaxud o biri şəhər və kəndlərdə.

Və ermənilər nəinki cəbhənin təmas xəttində, eləcə də cəbhədən yüz kilometr uzaq şəhərlərimizə ballistik raketlər atıblar. Yüzə qədər dinc əhali ölüb, 400-ə yaxın da yaralı var. Tərtərdə bir salamat bina yoxdu.

Bağışla ki, sual dıqqılıdı, amma yazı bir az böyük çıxdı. Sadəcə onu soruşmaq istəyirəm ki, Xocalıda yandırılmış, dağıdılmış azərbaycanlıların evlərini də təmir edirsinizmi? Axı, ermənilər onlara doğma olmayan yurd-yuvalarına qayıtdığı kimi, sizin prezidentiniz, hörmətli Putinin də imzaladığı bəyanatda azərbaycanlılar da Xocalıya, Xankəndinə, Xocavəndə, Əsgərana və Ağdərəyə qayıtmalıdırlar.

Bir də sizi çox istədiyimdən deyirəm ey, özümüzünküsünüz, bu Araiklə az öpüşün. Həm xəstələnərsiniz, həm də vallah, camaat bu şəkillərə birtəhər baxır ey.

Cavabınızı gözləyirəm. Adi bir dıqqılı suala cavab verə bilməyəcəksinizsə, onda o boyda missiyaya necə rəhbərlik edirsiniz?

P.S. Təbii ki, Azərbaycan dilini bilmirsiniz, növbəti nömrəmizdə və saytımızda bu yazını rusca da dərc edəcəm. Amma mən dərc edənədək Araikə deyin, sizə tərcümə eləsin.

mənbə: moderator.az

Xəbər lenti

3 nəfərin oturduğu avtomobili çay aparıb
2024-05-08 13:37

Telefonunuza gələn bu zəngləri açmayın
2024-05-08 13:23

Ölkədə yağmurlu hava nə vaxta kimi davam edəcək?
2024-05-08 13:09

İslamda nizam və intizamın əhəmiyyəti
2024-05-08 12:33

Gürcüstan DTX ölkədə kütləvi iğtişaşlarla bağlı xəbərdarlıq edib
2024-05-08 12:20

9-cu mərtəbədən yıxılan yeniyetmə sağ qaldı
2024-05-08 12:11

“Aİ-yə namizəd [ölkə] Kremlin marioneti kimi idarə oluna bilməz”
2024-05-07 19:49

Güclü yağışlar Gürcüstanda ciddi problemlər yaradıb
2024-05-07 19:43

Gürcüstanın Aİ-yə namizədlik statusunun dayandırılması üçün Borellə müraciət edilib
2024-05-07 19:36

Anonymous Kobaxidzeyə: “ Etirazçılara hücum etməyə davam etsəniz, hökumət saytlarına hücum etməklə cavab verəcəyik“
2024-05-07 15:00