Məşhur xristian keşişinin İslamı qəbul etməsi böyük əks-səda doğurub

Məşhur xristian keşişinin İslamı qəbul etməsi böyük əks-səda doğurub

01 Mart 2023 - 06:02

134622

Məşhur amerikalı pastorun İslamı qəbul etməsi xristian və islam dairələrində böyük əks-səda doğurub.

Xeber.ge xəbər verir ki, məşhur amerikalı keşiş Hilarion Haqinin İslamı qəbul etməsi böyük təsir bağışlayıb.

Kaliforniyada yaşayan keçmiş rus pravoslav keşişi Hilarion Haqi, onu səbirli və mehriban hesab edən ardıcılları arasında böyük hörmətə malikdir.

Adını Səid Əbdül-Lətif olaraq dəyişdirən Haqi öz bloqunda İslamı qəbul etməsi ilə bağlı yazıb: “Sən ictimai yerdə keşiş və rahib, təklikdə isə müsəlman ola bilməzsən”.

Haqi əlavə edib ki, İslam alovu onun ruhunu 20 il əvvəl Appalachiadakı kollec şəhərciyindəki kiçik bir İslam mərkəzində alovlandırıb. Amma bu yaxınlarda İslamı qəbul etdiyini açıqladı.

O əlavə etdi: "Orta yaşlı bir keşiş kimi həyatım bu nöqtəyə qədər aydın idi. Bir pastor kimi mükəmməl bir karyeram var idi. Cəmiyyət tərəfindən qəbul olundum. Bununla belə, mənim daxili inanclarım dəyişdi; İllər əvvəl əkilən toxum çiçək açıb".

Amerikalı müsəlman liderlərindən biri olan Yaser Qazi bu xəbərə cavab olaraq tvitində yazıb: "Evə qayıdış".

Bu yaxınlarda Kaliforniyada Şərqi Xristian monastırı qurmağı planladığını açıqlayan keçmiş xristian keşiş, İslamı qəbul etməsinin əslində dinə qayıdış olduğunu və indi özünü evə gəlmiş kimi hiss etdiyini söylədi.

Haqi elan etdi: "İndi mənim üçün İslam dininə daha dərindən daxil olmaq işi başladı; Daha dərindən öyrənmək, dinə sevgi, ümmətə sevgi və Peyğəmbərə (s) sevgi".

O əlavə edib ki, dünyanın hər yerindən insanlardan ona niyə belə etdiyini soruşan mesajlar və zənglər gəlir.

Qeydinin sonunda Əraf surəsinin 172-ci ayəsini xatırladıb:

«وَإِذْ أَخَذَ رَبُّکَ مِنْ بَنِی آدَمَ مِنْ ظُهُورِهِمْ ذُرِّیَّتَهُمْ وَأَشْهَدَهُمْ عَلَىٰ أَنْفُسِهِمْ أَلَسْتُ بِرَبِّکُمْ قَالُوا بَلَىٰ شَهِدْنَا أَنْ تَقُولُوا یَوْمَ الْقِیَامَةِ إِنَّا کُنَّا عَنْ هَٰذَا غَافِلِین.»

"(Ey Peyğəmbərim!) Xatırla ki, bir zaman Rəbbin Adəm oğullarının bellərindən (gələcək) nəsillərini çıxardıb onları özlərinə (birbirinə) şahid tutaraq: “Mən sizin Rəbbiniz deyiləmmi?” -soruşmuş, onlar da: “Bəli, Rəbbimizsən!” -deyə cavab vermişdilər. (Belə bir şahidliyin səbəbi) qiyamət günü: “Biz bundan qafil idik”.

İslam dünyada ən sürətlə inkişaf edən dindir və Pew Araşdırma Mərkəzinin məlumatına görə, 2015-2060-cı illərdə müsəlmanların sayı dünya əhalisinin ümumi sayından iki dəfə çox artacaq.

mənbə: iqna

Xəbər lenti

Gürcüstanda ikinci cəbhə planlaşdırırlar...
2024-05-20 19:37

Papuaşvilinin sözlərinə görə, parlament növbəti sessiya həftəsində rus qanununa qoyulan vetonu aşacaq
2024-05-20 19:26

12-ci sinif şagirdləri qəzaya düşdü
2024-05-20 19:20

21 may üçün xarici valyutanın rəsmi məzənnəsi
2024-05-20 18:43

Konqresə gürcü siyasətçilərinə sanksiya tətbiqini nəzərdə tutan qanun layihəsi təqdim olunacaq
2024-05-20 15:46

Ağır yol qəzası nəticəsində iki qardaş həyatını itirdi
2024-05-20 15:44

Baş nazir İrana başsağlığı verib
2024-05-20 15:42

Bəzi siyasətçilər Rusiya ilə mübarizəyə o qədər qapılıblar ki, onlar özləri də Gürcüstana münasibətdə Rusiyaya bənzəyirlər
2024-05-20 15:40

Bizə tələb edən insanlar deyil, dostlar lazımdır
2024-05-20 15:37

Zura Caparidze: Müzakirə üçün yer yoxdur, prezident düzgün qərar verdi
2024-05-20 15:34